錦快又一年lu!!!今年好似過得特別快,一年冇寫blog,我唔係懶呀!!! 我由年頭忙到年尾,冇停過手錦做做做...
今年發生左好多事,但發生左咩事?呢一刻好似冇咩印象,當中有喜怒哀樂.上年年尾d唔開心帶左d黎今年,但而家既我,係開心ga,希望keep住呢d開心帶去2012年,希望苦盡真係會甘來,希望個個都鍚我愛我
2010過去了, 2010既咩係咪都可以跟住過去呢?2009白頭佬話2010係我新既開始,但我覺得係我癲既開始就真,其實呢一年唔係有咩大事發生係我身上,但個性格好似有好大轉變錦,變得好執著好計較好不忿錦,由佢正式宣佈拍拖,我就覺得點解佢錦夫淺,揀個錦既女仔,心有不甘又走去問姻緣,嘥幾百蚊擺個桃花陣,結果桃花就冇,走左個冇諗住會同到佢fd既朋友出黎.
可能轉移左目標,初頭都估唔到會同佢fd成錦,慢慢就執著我地之間既朋友關係去到邊,我又一雙情願當佢係自己best fd,亦希望佢都當自己係佢best fd la,但好似好多野都係我自己諗多左,我好介意執著比較佢對佢身邊既人同我既分別,點解我會變成錦GA,朋友之麻,點解要介意執著比較呢,我冷靜既時候係明白所有道理GA,但當面對又所有野都唔記得,攪到自己好唔開心,什至失眠,以前既我,一定覺得錦好冇謂,但呢一刻既我仍然被自己既介意執著比較沖薰頭腦.
2011既咩會係點呢,可唔可以變番2009既咩,放底晒所有介意執著比較,開開心心錦過呢,希望2012再回顧既時候真係可以放底晒LA.
我既預感又再一次靈現,幾日前發既夢真係預意我係時候放手,今朝報料人仕同我講既時候,我都係半信半疑,直到頭先所有事情,都已知七,八成,我亦都估到個主角係邊個,佢有d似佢前度既影子,一見到我就有預感佢可能會喜歡呢個人,果然不出我所料,佢而家都只差一步就成功,我覺個佢成功機會都幾大,我唯有放手啦......
其實聽佢地討論件事果時,我真係幾down,唔知我有冇變樣呢?又唔知有冇人發覺?之後返屋企途中一路諗一路諗,原來之前我自己真係諗多左好多好多好多......成日充境同佢點夾點襯(今日我地d衣著都幾夾ga),其實通通都係我自己諗多晒,諗通左之後成個人都好似軟晒錦,咩都唔想諗,唔想做,好想放棄所有野,好想飛,我真係須要d時間去release.
而家我好想有預感我將來會點,好想知我黎緊會點,我唔想再嘥時間去等,等一d唔知幾時會發生既野!!!
撞鬼,噚晚又夢見佢,唔通真係諗得太多,但噚晚唔係之前所發既續集,噚晚夢既係佢竟然同左KY一齊,吓,佢地點識到ga,佢地冇可能識ga,除左身型似佢以前女朋友既類型之外,KY根本冇可能係佢鐘意果隻ga woo,係夢入面我極力遊說KY話佢唔係佢要既類型,又同KY講其實佢係我之前同佢提過果個人,唔知我係咪唔想知個結果,一陣就醒左.
之後再瞓番,又再發夢,今次冇夢見佢la,見到小強,其實時不時都會夢見同番佢一齊,但次次一齊之後我就好想同佢散,噚晚夢見原本約左同佢睇戲,係途中又拆返左,之後個畫面係我係個窗口揸住左個汽球隔住個窗花將個汽球放出窗口,窗外有好多個汽球,唔知點解我無啦啦爬出窗口外,一隻手揸住個汽球另一隻手就揸住左部相機,無論我點影都攞唔到個好畫面,之後就爬番入屋,但個汽球纏住左唔知d咩野,入唔到屋,但我死都唔肯放手,只好企係窗內揸住個汽球呆望出面.
我覺得呢兩個夢好似叫我係時候放手,佢另願揀一個唔係佢鐘意既類型都唔揀我;佢就好似汽球錦,雖然我死不放手,但佢都堅持係窗外,莫非我真係要放低呢個汽球......
